Ny SEIMad dia mandray anjara mavitrika amin’ny fampiharana sy fanatanterahana ny politika ankapoben’ny Fanjakana, voafaritra anatin’ny :
- Politika nasionaly mikasika ny fanajariana ny tany sy ny toeram-ponenana (Politique Nationale de l’Aménagement du Territoire et de l’Habitat)
- Drafi-panajariana ny Tanàna , indrindra ireo tanan-dehibe eto Madagasikara (Plans d’Urbanisme Directeurs de quelques grandes villes de Madagascar)
Maro ireo mpiara-miasa amin’ny SEIMad, na ny Fanjakana, na ny sehatra tsy miankina, na ny olon-tsotra
Amin’ny ankapobeny dia azo sokajiana ho toa ireto manaraka ireto ny andraikitra sy anton’asa sahanin’ny SEIMad :
I – Mamolavola sy manatontosa tetikasam-panajariana sy fanorenana :
- Famolavolana tetikasa
- Fanaraha-maso ny asa
- Fanatontosana ary famarotana ny vokatra
II – Misolo tena ny tompon’ny asa (Maître d’Ouvrage Délégué)
- Fandrafetana sy fanitàrana tanàna
- Fanorenana tanàna vaovao
- Fandalinana sy fanadihadiana ireo fepetra ahafahana manomboka tetikasa
III – Manajary :
- Fanampiana ireo rafim-piaraha-monina ifotony amin’ny famolavolana sy fanatanterahana tetikasa ho azy ireo
- Fandalinana tetikasam-panajariana tanàna : ny endrika, ny lafiny ara-teknika, ny mombamomba ny tany sy ny fananan-tany ary ny fikirakirana ara-barotra
- Fandrindrana ireo dingana ara-panajariana sy fametrahana ny Zone d’Aménagement Concerté (ZAC)
- Fanatanterahana ireo asa mifandraika amin’ny fivezivezena ho an’ireo kianja iombonana
- Fitantanana tetikasam-panajariana
IV – Mikirakira ny fananan-tany :
- Famolavolana ireo paikadin’ny fananan-tany
- Fifehezana ny fikirakirana ireo drafitra sy dingana rehetra mahakasika ny fananan-tany
- Fanomezan-danja ny fizakam-pananana
- Fitantanana ireo fananana (tany, trano)
- Fanampariahana ny tanàna